ادفع 8000 دولار أو اخسر أملاكك وأملاك أقاربك... آخر أوراق الحكومة لجني العملة الصعبة - الأخبار

ادفع 8000 دولار أو اخسر أملاكك وأملاك أقاربك… آخر أوراق الحكومة لجني العملة الصعبة

في خطوة غريبة وغير مسبوقة، أعلن رئيس فرع البدل والإعفاء “العميد إلياس بيطار”، أنّ مديرية التجنيد العامة، ستصادر أموال وممتلكات كل من يبلغ سن الـ42 عاماً سواء كان داخل سورية أم خارجها، في حال لم يؤدّ الخدمة العسكرية أو يدفع بدل فواتها، وإذا لم يكن لديه أملاك، سيتم الحجز على ممتلكات أهله وذويه.

وقال العميد “بيطار” في تسجيل مصور بثته وزارة الإعلام أمس الجمعة: “لا يمكن لأي مكلف أو مواطن، حتى لو تجاوز سن 42 سنة، ألا يدفع بدل فوات الخدمة والذي يساوي 8 آلاف دولار أميركي”.

وأضاف: “هناك قوانين صارمة سيتخذها القضاء أو وزارة المالية أو الهيئة العامة للضرائب والرسوم، تقوم بموجبها بالحجز التنفيذي بموجب كتاب صادر عن شعبة التجنيد على ممتلكات وأرزاق كل من لا يدفع بدل الإعفاء من الخدمة، أو الحجز التنفيذي على أموال أهله أو ذويه”.

ويستهدف هذا التهديد، وفقاً لمراقبين، بشكل أساسي المغتربين السوريين. ويُعتقد أنه قد يطال، في حال تنفيذه، عشرات أو ربما مئات آلاف السوريين، من غير الملتحقين بالخدمة الإلزامية، من المقيمين خارج البلاد، وقد تجاوزوا سن التكليف القانوني البالغ 42 عاماً.

وأشار حقوقيون وخبراء إلى خطورة هذه الخطوة، خاصة من ناحية أن الحجز التنفيذي يعني الاستيلاء على الأملاك وبيعها في المزاد العلني. والأخطر، أن يطال الحجز أملاك أقارب المتهرب من الخدمة، إن لم يتوفر ممتلكات للأخير. وهي سابقة، في جعل “العقوبة القانونية” تتعدى الشخص المعني لتطال أهله وأقاربه.

شارك رأيك بتعليق

19 تعليقات
Inline Feedbacks
View all comments
sameer
18 أيام

هذه القوانين موجودة بكل دول العالم.وانتو المسؤولين عن هالصفحة لازم تعرفو بالقوانين.ولا ما بتعرفو القوانين محل ما انتو عايشين؟ يعني اذا خالفك الشرطي مارح تدفع اامخالفة.واذا تهربت ضريبيا مارح تلاحقك المالية واذا بدك تستورد بضاعة للبلد اللي انت عايش فيه مارح تدفع رسوم جمركية للدولة اللي عايش فيها.كلامك لازم يكون جالس مو أعوج

أحمد الأحمد
17 أيام
ردّا على   sameer

لا اخي مافي دولة بالعالم بتحط هيك قوانين على شعبها، بكل دول العالم الي بتحترم حالها بتكون العقوبات عالشخص نفسه اما ببلدك فالتشبيح عالشعب هوة شعار المرحلة 😂

نبيل احمد الشيخ
17 أيام
ردّا على   أحمد الأحمد

هذه قوانين مالية موجودة في أي بلد . أي تقصير بتسديد الحق العام تفرض عليه عقوبة الحجز. أما موضوع أن يتم الحجز على اقربائه فهذا غير وارد . الوارد و المقبول قانونيا هو منع نقلا ملكية من أو إلى المخالف . يعني لا يمكنه بيع أملاكه للغير أو توريثها حتى يسدد الذمة المالية وبنفس الوقت أراد أن يشتري أو أن يسجل ميراث عليه دفع الذمم المترتبة علىه. و هذا حق عام في سوريا من واجب الدولة أن تحصله . ربما تختلف التسمية ب ألمانيا بمعنى ضريبة دخل أو ضريبة بيع أو أرباح …بالنهاية عليها أن تحصلها بالطريقة المناسبة و لا… قراءة المزيد ..

Ahmad sd
17 أيام
ردّا على   sameer

ممكن نعرف شي دوله غير جيبوتي والمزمبيق بتطبق القوانين هي؟
ممكن تتحفنا

مهجره رغم عنها
17 أيام
ردّا على   sameer

وإذا الأهل مامعهم ياكلو وما حيلتهم غير سكنهم بتطالعوهم للشارع ؟ نص البلد نخربت بيوتها بدكم تكملو عالباقي

Hasan
17 أيام
ردّا على   sameer

يا زلمة من وين لوين في هيك قوانين غير بدولة ما بيعرفوا كيف بدون ياخدوا من الشعب. يعني اول مرة بسمع بقانون حجز ممتلكات اهلك لأنو حضرتك مو دافع بدل. يعني ما عاد في قدرة تفكير بنهب مصاري غير اللجوء لهالطرق الزبالة

مهاجر مغترب
17 أيام
ردّا على   sameer

بس تطلع برا البلد وتشوف كيف حكومات العالم بتعامل مواطنيها كإنسان يمكن تعرف وقتها شو هاد اللي عم يصير بسوريا.

ابو انيس
12 أيام
ردّا على   sameer

مافيه دوله بالعالم بتصادر ممتلكات الأقارب ؟ يعني انت هربت شو دخل امك واخوك مثلا . هذه قوانين كوريا الشمالية استوردها ابو حافظ 😂 نظامين ديكتاتوريين الهدف سرقه خيرات المواطن يعني 8000 دولار من وين ؟ ع أساس بشار الأسد معيش الموظف براتب 12 الف دولار ؟! دخلك ليكون بشار معيشنا عيشة الألمان وماعندنا علم ؟!!

خالد
17 أيام

هذا إسمه : تشبيح الدولة ….أو ( كيف تشلح شعبك )

مواطن سوري
17 أيام

من بديهيات الأمور أن المخالفة يجب أن يحصر أثرها على ذات الشخص المخالف حيث تقول القاعدة الكريمة: (وَلَا تَزِرُ وَازِرَةٌ وِزْرَ أُخْرَى).

محمد المحمود
17 أيام

أكل *** على مستوى عالي

ابو ادم
17 أيام

هي دوله حرميه فلست بدا تخلي عالم يدفعو بدل جيش بل غصب حتى لو دفع بدل المواطن سوري و نزل على سوريا لح يدفع على حدود او بل مطار ١٠٠ دولار دخوليه حق فيزا سوري اذا بدو يفوت على بلده لازم يدفع حق فيزا

ابو ادم
17 أيام

بعد مة تدفع بدل كلشي فروع بسوريا طالبتك لتحقيق

سوري
17 أيام

اولا يحرر الارض والمدن والقرى اللي احتلتها تركيا ويتخلص هو من الاحتلال الروسي والايراني وبعدين يفكر بالاستيلاء على املاك مواطنيه .

ميمي
17 أيام

‏أولا يجب على الدولة إزالة هذا القانون وبدل من 8000 دولار‏يكون 1000 او 2000 لكي تجلب السياح إلى البلد

Muhammad
17 أيام
ردّا على   ميمي

هاد الحكي تبع السياحة بتحكي مع حدا بيفهم و بيحسب.
انت برأيك لو الحكومة بتعرف تحسب كان وصلنا لهون.
لك حصة الإنسان من الخبز ما بيعرفوا يحسبوها بدك ياهن يعرفوا يفكروا من كل عقلك

فائقة الحاج
16 أيام

ممكن اسأل الياس البيطار . ولاده خادمين جيش ؟؟؟ واذا دافع بدل منين المبلغ الخيالي هاد دفعوا

William
13 أيام

مستحيل ولا اي شكل من الأشكال بيطبق هالقرار لانو نص شعب متخلف ونص تاني فراري

ابن الشهباء
10 أيام

يعني اش هل قانون البيضحك بدكون مصاري بدل الخدمة آمنا وصدقنا بس انو بدكون تنصبو عينك كنت عينك على ممتلاكات اهلو واقاربو هي سرقة على عينك يا تاجر

مقالات متعلقة:

أسعار الصرف في

2021/2/25 13:05 شراء مبيع
دولار: 3550 3590
يورو: 4338 4392
ليرة تركية: 492 499